واحد النهار كنت راجعة للدار عياانة وكاع مشعكة تقول كنت ف حرب ديال لاندوشين و كان فيا الموت د الجووووع وكلي امل باش نتلاقا شي براد ديال التاي موجود و شي محراشة سخونة ولكن ماشي مع الزيت و انما مع الشكلاط كايجيو غزالين مع بعضياتهم كاتحس براسك كاتطبق الاصالة و المعاصرة والمهم حتا قربت نوصل للدار بانو ليا واحد زوج جالسين مقنتين قدام الدرب..واش ندوز ولا ماندوزش؟؟ , الوالدة ديما كاتوصيني ايلا شفت شي حد ماهواش نقلب الطريق ولا نعيط ليها ف التلفون باش تخرج ليا ..شويا و انا نقول اش يكونوا كاع باش نخاف منهم...واحد اللحظة وقفت و كانشوف فيهم من بعيد درت راسي كانقلب الكلاسور لي هاازا و كاندخل و نخرج ف الدفاتر و الاوراق زعما راني غي طالبة و االمهم واحد كان صلع لابس سروال مقطع من الركابي كرشو خارجة تقول حامل ف 5 شهور و عموما الشكل ديالو ماكايخلعش ولكن ساط الاخر لي معاه كان لابس كاسكيط نعام اس و كايبان سبورتتيف مع راسو , فيه ضربة وحدة فوجهو شادة ليه من الجبهة و دايزا من النيف وصولا ل الفم ديالو ..قاسما ليه الوجه على زوج .. وداير الحالة د صحاب تشرميل و حوياجو نقين ولابس حلومةو هادشي لي زاد خلعني حيت قلت غالبا شي شفار و بان ليا كاينفخ فواحد لميكااا و انا نقول معا راسي صافي اليوما تصفا ليا . و حتا اناا علاال الفرشة مع راسي بقيت كانحنزز حتا ورقوني واش كنت كانشوفيهم و خنزر فيا داك المشرمل لدرجة تبورش عليا لحمي . ديك شوفة فشكل مخلط فيها التهديد و القوة و الحزن و الحيرة .. بزاف د المسائل المهم بقيت كانفكر .. مريم راه عيقتي تحركي لداركم راه زنقة قدامك غير 10 متر غادي تفوتيهم و ايلا حسيتي بالخطر جري تال باب الدار .. صافي قررت نتحرك و كل ما كانقرب من البلاصة فاش جالسين دوك زوج وكلما قلبي كايضرب واحد اللحظة وصلتهم و فتهم ب ديك نص ميترو و يالاه مارتاحيت ولكن ل سوء الاقدار الكلاسور ديالي ماكانش مسدود مزيان وتحل ليا و طاحو الوراق لي كانوو فيه د مادة الكيمياء و الكارثة شي وحدين طاحو حدا رجلين داك المشرمل ماعرفتش بالضبط واش وراق لكوور ولا غير التمارين لمهم سمحت فيهم و درت راسي بحال ايلا ماشفتهمش و هزيت ب سرعة دوك لي طاحو حدا رجلي و انا نكسيرري و شويا و انا نسمع واحد صوت غليظ و كاع مبحبح '' مولات الكحل فين عممر الطبقة الاولى ديال الهيدروجين كاترابط مع الطبقة الاولى د شي عنصر اخر و هوما متفاوتين ف الطاقة ها ..البسالات هادو ا مادموزيل و لي كايدير البسالات خصو يتعاقب باش مايعاودش ''
ديك الساعة وقفت و تصدمت ..اش كايقول هاد خيناا ..واش الخلعة خلاتني نسمع شي حاجة ماكايناش .. و انا نتفكر بلي كنت خدامة ف واحد التمرين فيه الهيدروجين مرتبط ب الفليور و رسمت واحد المخطط د الطاقة ديال العنصرين و غلطت فيه حيت شفت التصحيح ف السبورة ملي كنت ف القسم وانما ماصححتش الخطأ ف الاوراق ديالي , و من هادشي كامل مايمكنش ليك تعرف هاد المعلومة لي سمعت دابا ايلا ماعندكش درراية ب ضومين و قاري العلوم ,, و اانا ندور عند دوك زوج و هوا يبان ليا داك المشرمل هاز وراقي ف يد و الميكا لي فيها سيلوسيون ف اليد الاخرى و صاحبوو كايشرب واحد السائل ف قرعة د كوكا لي عاطية ريحتوو بزاف و غالبا غادي يكون ألكول . واحد اللحظة هو ينوض صاحبنا المشرمل و بقا جاي ل جيهتي و صراحة اي وحدا ف بلاصتي غادي تخلع لان المنظر ديالو لا يوحي بالخير و دابا واش نجري ونهرب ولا نبقا واقفاا واش نغوت ونعيط ل الوالدة ولا نتكمش .. اش غاندير ياربي شويا وانا نتفكر بلي [...]
يتبع
ديك الساعة وقفت و تصدمت ..اش كايقول هاد خيناا ..واش الخلعة خلاتني نسمع شي حاجة ماكايناش .. و انا نتفكر بلي كنت خدامة ف واحد التمرين فيه الهيدروجين مرتبط ب الفليور و رسمت واحد المخطط د الطاقة ديال العنصرين و غلطت فيه حيت شفت التصحيح ف السبورة ملي كنت ف القسم وانما ماصححتش الخطأ ف الاوراق ديالي , و من هادشي كامل مايمكنش ليك تعرف هاد المعلومة لي سمعت دابا ايلا ماعندكش درراية ب ضومين و قاري العلوم ,, و اانا ندور عند دوك زوج و هوا يبان ليا داك المشرمل هاز وراقي ف يد و الميكا لي فيها سيلوسيون ف اليد الاخرى و صاحبوو كايشرب واحد السائل ف قرعة د كوكا لي عاطية ريحتوو بزاف و غالبا غادي يكون ألكول . واحد اللحظة هو ينوض صاحبنا المشرمل و بقا جاي ل جيهتي و صراحة اي وحدا ف بلاصتي غادي تخلع لان المنظر ديالو لا يوحي بالخير و دابا واش نجري ونهرب ولا نبقا واقفاا واش نغوت ونعيط ل الوالدة ولا نتكمش .. اش غاندير ياربي شويا وانا نتفكر بلي [...]
يتبع
0 التعليقات:
إرسال تعليق