فطرت قلت نمشي نشوف اش كاين ف التلفزة هاد رمضان و لقيت بلي من اهم البرامج هاد السنة هو مسلسل اشهار الزيت و التيد و فيلم الاشهار التشويقي '' شري الضحى وكون معلم " وكذلك فيلم عروض اتصالات المغرب الخ...و المهم الوالدة ناضت من الصالة قالت الله يعاون نمشي نتوضا هادشي حامض..خويا هررب و حتا هوا ناض قالك صحابو كايتسناوه لي يقصر معاهم ف النت ...الواليد شاف دونيا بوطازوت شداتووو الدووخة و الوجع ف العرق لي بين العنق و الكتف و ملي قلب ل الاخبار د الجزيرة عاد وللا شويا... و انا لقيتوني كانعبر مستوى الحموضة ديال دوك البرامج بدون استعمال جهاز pH متر و غير بالعلاقات الكيميائية د pH لي قرينا فلافاك ..لقيت صعوبة باش نحدد شكون اكثر حمض محمض مزياااان و بالتالي مانقدرش نعرف العلاقة باش غادي نحسب و انا نوض نحسب الدروج .
#برامج_رمضان
#خربشات_رمضانية
#برامج_رمضان
#خربشات_رمضانية
0 التعليقات:
إرسال تعليق