صورة Persian Room Cat Guardian

كاملين غادي تكونو شفتوو هاد الحيوان الغريب كايتسركل ف الفايسبوك , مرة كايتكريسا مرة مفقص و غضبان ولكن شنو قصتو و منين جا ؟؟ اولا هاد الدمية هي عبارة عن صورة تعبيرية كايلصقو ليها مواقف مضحكة و كل واحد كايتفنن و كايطرولي على هواه .. اول مرة تلاحت ف الويب كانت ف موقع " anyaboz " ب عنوان " Persian Room Cat Guardian " و وصفوه بلي هو مخلوق كايحمي المنازل من الارواح الشرييرة و السلبية و هادشي كان ف سنة 2013 و انتشرت الصورة ف العديد من الصفحات لكن مع ذلك هاد الدمية المحشوة بقات مخبيااا تال 2016 و تما بدات الفرااجة. واحد الصفحة ف الانتسغرام هزوو هاد المخلوق و صاوبو بيه واحد " troll " ودار بووووووووم بحيت حصد عدد كبير من الاعجابات ف مدة قصيرة و قياسية و من تما الصفحات الامريكية بداو كايستعملوه ف اغراض كوميدية و للسخرية من بعض الشخصيات ف المجتمع كذلك و هوما مشاو بعييييييييد و دارو بيه العجب الكحل و أصبح شخصية مشهورة ف الويب العالمي و حتا حنا راه وصلنا مؤخرااا و تعدينا عليه ب لبيااااان و خذا شهرة واسعة ف الويب المغربي ... ولكن ايلا دققتو مزيان غادي تلقاوه كايشبه ل واحد نوع من القطط وفعلا راه كاين نوع من القطط الاسم ديالو " القط الفارسي " لي هو الترجمة الانجليزية ديال الاسم لي ذكرت سابقا و هوا نوع من القطط الايرانية لي كاتميز ب شعر طويل و وجه غريب نوعا ماا , تطورو منوو مجموعة من السلالات الاخرى عبر السنين و ف التالي غادي تلقاوه متواجد ف الطبيعة بألوان مختلفة و اشكال متنوعة و كايتعتابر اكثر انواع القطط مبيعا ف العالم حيت هو مسالم و كايقدر يتعايش مع الانسان ..
#خربشات_مريم_بنعلي