أحداث شغب بعد مباراة الحسنية والكوكب

البارح كيما كاتعرفو كانت لاعبة الحسنية مع الكوكب بأكادير و ككل مرة يتكرر نفس السيناريو مع اضافات صغيرة , و لمسات اجرامية جديدة. أكيد بزاف منكم غادي يكونو شافو واحد الفيديو متداول حاليا ف الانترنيت ديال اعمال كارثية قاموا بها '' مفلسي " اقصد مشجعي فرقة الحسنية و يقدر يكونو حتا مشجعين ديال الكوكب ولكن لي دار راه عارف راسو شكون . المهم ساكنة اكادير و بالخصوص  الناس لي ساكنيين ب السلام و الداخلة و الاحياء المجاورة ل تيران  راه كايتضررو بزاااف .واحد الصديقة ديالي هرسووو ليها زاج ديال السيارة ديالها , مالين الحوانت كاع شتتو ليهم داكشي لي على براا بحال صناادق و قراعي ديال الموناضا.. , صالونات كرفصووهم .القهاوي.. المحلات ..كولشي كولشي  لا احد يسلم من شغب المخربين اعنتذر ماعرفتش علاش كانغلط فالكتبة المهم اقصد المشجعيين ..وقولو ليا اشمن كووورة بقات ا عباد الله  مللي ولينا كانسمعو من واليدينا' بنتي او ولدي عندااك تركب طوبيس اليوم او عنداك تكون ف الحي الفلاني راه لاعبة الحسنية , واش هادي هي الرياضة ؟ مافراسيش بللي تعريف رياضة كرة القدم هي لعبة تهدد سلامة المواطنين و تخلق الرعب في قلوبهم . على هاد الاساس خاص يبدلوو ليها الاسم , لعبة " لي جا قدامك  طحنو "" او لعبة '' حذاري "" او ربما لعبة " الخطر " وعلاش لا '' لعبة كرة الداعش" و لكم حرية اختيار الاسماء المناسبة لهذه الاعمال التخريبية التي ترتكب في حق الشعب الاكاديري اطفالا, رجالا , نساءا , شيوخا , تجاارا و موظفيين , عمالا او حتى مجرد مشردين ينامون بالشارع, لي جا قدااامهم كايطحنووه و كايتعداو عليه , و كاتقوولي المغاربة اخوة , منين جاتهم الاخوة ؟ كاتجي نتاااا مغربي و تتنفس من هذه الارض و تعيش على هذه الارض و تخرب نفس الارض التي تعطيك من خيراتها و المصيبة كاتقووول حنا خوت , مللي حنا خوت علاش قاطع الرزق ديال خوك و اختك , علاش تخسسر و تهرس ممتلكات خووتك ؟ علاش هاد الحقد و الكراهية , ايلا خسرات ولا ربحات الفرقة لي كاتشجع اش غادي تربح نتا ؟ واش ايلا خسرات كايبقا فيك الحال و كاتبدا تهرس لعيباد الله فرزقهم حيت حاسدهم حيت عارف راسك ماعمر ماغاتوصل ليهم حيت عندك فراغ ف الداخل ديالك و جاي تكبووو فأعمال تدميرية .؟ حيت قلة مايدار وصلات بيك انك تضيع عمرك و نتا باقي شاب , الموصيبة كاتلقا اطفال ديال الابتدائي و غاديين . سيير قراااا ليك النشاط العلمي بحال سيادك لي ف البلداان المتقدمة , الناس لي وصلو القمر . و نتا معممر ليا عقلك كوولوو بالخوا الخاوي. ولكن المشكل ماشي منك يا اخي الداعشي , المشكل من واليديك لي مارباوك ,المشكل من الاستاذ ديالك لي ماعرفش كيفاش يدخل ليك الفكرة , المشكل من المجتمع لي داير بيك مربيك على ثقافة كره الاخر و ثقافة تقديس و حب مسائل لا تستحق, شوف ايها المخربق لي كاتدير اعمال الشغب :

الناس كايموت ليهم اعز الناس فحياتهم  و ماكايخرجووش لبرا و يديرو الفوضى و يهرسو . شوف غير ايلا مات ليك شي حد مقرب و خسرتيه الى الابد كاعما غادي يوصل بيك المطاف انك تدير هاد رواين ,. علاش؟ الجواب ببساطة لانه ملي كاتفقد انسان كاتكون فديك اللحظة انسان ,اما مللي كاتخسر , ماعرفتش اصلا اش كاتخسر المهم مليييي كاتخسر ديك الفرقي لي كاتشجع كاتكون ترفعات عليك السمات البشرية , ماشي ترفعات نتاا لي رفعتيها عن رااسك و كاتولي حيوان .
انا فقط اتساءل علاش هاد الناس كايديرو هادشي . و واش ماكاينش لي وقفهم عن حدهم ؟ اين القانون ؟ و بزاااااف د الاسئلة لا اجد لها جواب .الحاصلووول نحن سكان مدينة اكادير نتبرأ منكم و من اعمالكم الداعشية .و كما قال احد المتضررين في واحد الفيديو '' هاد السكان ديال اكادير نوضو كاع ضد الحسنية كولها..ايلا كانت الرياضة هيا هادي , الله ينعلبوو الرياضة .."

#المغاربة_ماشي_خوت

بقلم مريم بنعلي

خربشات مريم بنعلي

الفيديو الذي تم تصويره من عين المكان