كاين واحد المرض نفسي معرووف كايتسما اضطراب الكرب و كايكون عند الناس لي ماكايقدروش يتجاوزوا الصدمات ف حياتهم , يعني بحال ايلا قصيتي شي مسمنة معمرة مزيان و المعدة ديالك غي على قد الحال , راه بالتأكيد ماغاديش تقدر تهضمها و غادي تبقا واحلا ليك ف المعدة و كاتسبب ليك ف الالام , بحال هكا داير هاد المرض بمجرد يصدمك شسي حد كاتوحل ليك ديك الصدمة ف الدماغ و كاتبقا تحس بيها مرارا و تكرارا و فكل مرة كاتحس بحال ايلا هاديك هي المرة الاولى لي غاتلقا فيها داك الخبر الصادم , و الناس لي عندهم هاد المرض كاتبقا تجيهم احلام , مثلا ايلا مات ليهم شي حد , يوميا تقريبا كايبقاو يحلموو بلي كايتلقاو خبر الموت ديال داك الشخص لاول مرة و كايعيشوو حالة الصدمة من جديد , و كاين لي كايمشي بعيد و كايجيوه احلام اليقظة , و هاد الحالة كاتكون بزاف عند العسكر لي دوزو الحرب , ايلا سمعو فقط صوت طيارة دايزا كايدخلهم عقلهم في حالة الحرب و كايصحاب ليهم راسهم بلي عليهم الخطر و كايتخباو تحت شي حاجة كيفمااا كايديرو فالحرب تماما و كايشوفو داكشي لي حصل ف الماضي ف الحااااضر ' الفلاش باك ' و كمثال اخر شي بنت تعرضات ل الاعتداء و السيد لي اعتدى عليها كاين داير ريحة معينة ف حوياجو ف هاد البنت ايلا عندها هاد المرض بمجرد ماتشم نفس الرائحة ف مكان اخر كاترجع تعيش حالة الرعب كأنها كاتوقع ليها ديك ساااع و هنا غادي يبان ليكم بلي اضطراب الكرب التالي للصدمة هو اعادة اختبار ما حدث ف الماضي , وكنت شفت فواجد البرنامج واحد الفتاة دارت حادث سيارة و من بعد مابرات جسديا ولات مأزمة نفسيا , السيدة نهار كامل و هيا كاتقول معا راسها دابا ندير كسيدااا و مابقاتش كاضحك و خايفاااا بزاف و كاتسنا غي فوقتاش تدير الحادث حيت عقلها كايعاود يصور ليها الحادثة لي كانت دارت و من الاعراض ديال هاد المرض كذلك هو ملي كاتكون سريع الاستثارة يعني غي ايلا حرك شي واحد شي حاجة حداك كاتزعزع و تقفز من بلاصتك و ايلا مثلا شي حد سبب ليك التوثر كاتمشي و كاتدابز معاه و تحيح عليه و كايكون مشكل قلة النوم حيت بزاف كايخافو ينعسوو حيت عارفين اش كايتيسناهم ,و كاينا الحالة العكسية و هوما الناس لي كايولي عندهم واحد البرود كبيير جدا . غوت و هرس , ضربهم كااااع و تقوول واش يتحركوو ولا يديرو ردة فعل .ديما ساكتين و مصدومين و ماكايتفااعلش نهائيا مع الوسط و هنا العقل كايفصل المشاعر عن الجسم , مثلا شي حد كلا العصاا بزاف ف صغرو و وقعات ليه صدمة ف العقل كايولي يفصل الاحساس عن الجسد ديالو و واخا يقتلوه ب العصا ماغاديش يحس نهاااائيا بالالم ..
و عموما راه كاين علاج لهاد المرض , كاينن حقن ملي كايديرهم المريض كايحس بالتحسن على الفور وهادشي كاين غي ف البلدان المتطورة و كاينين كذلك عقااقير للتخفيف من اثار الصدمة و العلاج النفسي لي ضروووري ف كل الاحوال
و عموما راه كاين علاج لهاد المرض , كاينن حقن ملي كايديرهم المريض كايحس بالتحسن على الفور وهادشي كاين غي ف البلدان المتطورة و كاينين كذلك عقااقير للتخفيف من اثار الصدمة و العلاج النفسي لي ضروووري ف كل الاحوال
كانتمنى أنكي تكتبي باللغة العربية ، أولا باش تقدري تمشي فواحد الأسلوب جيد وحتى بنادم يتفيد من 2 اشياء من القصة أو المقالة وكذلك الأسلوب ديالك يقدر يعمر بيه الرصيد اللغوي ديالو وبالتوفيق
ردحذف