محمد و الاخت ديالو هما الطفلين الوحيدين لي فدوار أددار لي قريب لمنطقة انزي التابعة لتزنيت ، أددار هي واحد المنطقة جبلية معزولة كليا عن العالم ، و سبق ليا عاودت ليكم على تفاصيل الرحلة في تدوينة ( المنسيون ) ...
عيطت على محمد ، الطفل الصغيير و بقيت شادا معاه الجماعة باللغة الامازيغية بحكم ان الناس ديال المنطقة لا يجيدون التحدث بالداجة و سولتو
-انا : محمد فاش كاتقرااا ؟؟
-محمد : كانقرا فالمدسة ف سيدي بيبي وانا موجتاهيييد .
ملي جاوبني كانو عينيه كايغرغروو و كايلمعوو و الابتسامة لي ابتسم بحال ديال شي طالب فاليدا شي موديل فلافاك بعدما ضرب بزاف ديال الدمير و تامارا !
- انا : شنو باغي تولي ملي تكون كبير .
- محمد : بغيت نخدم فطيارة باش نبقااا نهبط من لفوووق و نهز ماما و جدة لفوق ديال الجبل باش مايبقاوش يتعذبو ايلا غادي يجيبو لينا التقدية ديال الدار ...
فعلا صدمني بهاد الجواب لي كايختازل ف الطيات ديالو مجموعة من الاحاسيس و المشاعر ، و الامنية ديال محمد بريييئة جداااا و ايلا كانت كاتدل على شي حاجا فأكيد غاتدل على المقدار د المعانات لي كايواجهوها هاد الناس ف الصعود الى الجبل كلما احتاجوا ابسط حاجا ، خبزة وحدة غادي تدي ليك 3 ساعات على الاقل باش تطلع للقمة د الجبل و هادشي غي فالمشية بلا مانهضرو على الرجعة ..
ولكن الصدمة الحقيقية هي من مور ماهضرت مع الوالدة د محمد و اكتشفت انه كذب علينا و قالينا بلي كايقرا ف سيدي بيبي وبلي موجتاهيد ، محمد ماكايقراش يا سادة و انما الواالد ديالو واعدوو بلي غادي يديه ل سيدي بييي عند شي حد باش يقرا تما حيت الحفرة فاش ساكنين مافيهاش مدارس ، و فالتالي هو وختوو ماداخلينش للمدرسة ..محمد ماكدبش علينا ، محمد كااايحلم و عايش الحلم فالخيال ديالو ، هنا فقط كاتكتاشف ان ابسط الحقوق كاتولي احلام عند بعض الناس ...
نتمناو ان الاب ديال محمد مايخلفش بالوعد ديالو و محمد هو نموذج ل بزاف د محمدااات اخرين فالمناطق المنسية...
عيطت على محمد ، الطفل الصغيير و بقيت شادا معاه الجماعة باللغة الامازيغية بحكم ان الناس ديال المنطقة لا يجيدون التحدث بالداجة و سولتو
-انا : محمد فاش كاتقرااا ؟؟
-محمد : كانقرا فالمدسة ف سيدي بيبي وانا موجتاهيييد .
ملي جاوبني كانو عينيه كايغرغروو و كايلمعوو و الابتسامة لي ابتسم بحال ديال شي طالب فاليدا شي موديل فلافاك بعدما ضرب بزاف ديال الدمير و تامارا !
- انا : شنو باغي تولي ملي تكون كبير .
- محمد : بغيت نخدم فطيارة باش نبقااا نهبط من لفوووق و نهز ماما و جدة لفوق ديال الجبل باش مايبقاوش يتعذبو ايلا غادي يجيبو لينا التقدية ديال الدار ...
فعلا صدمني بهاد الجواب لي كايختازل ف الطيات ديالو مجموعة من الاحاسيس و المشاعر ، و الامنية ديال محمد بريييئة جداااا و ايلا كانت كاتدل على شي حاجا فأكيد غاتدل على المقدار د المعانات لي كايواجهوها هاد الناس ف الصعود الى الجبل كلما احتاجوا ابسط حاجا ، خبزة وحدة غادي تدي ليك 3 ساعات على الاقل باش تطلع للقمة د الجبل و هادشي غي فالمشية بلا مانهضرو على الرجعة ..
ولكن الصدمة الحقيقية هي من مور ماهضرت مع الوالدة د محمد و اكتشفت انه كذب علينا و قالينا بلي كايقرا ف سيدي بيبي وبلي موجتاهيد ، محمد ماكايقراش يا سادة و انما الواالد ديالو واعدوو بلي غادي يديه ل سيدي بييي عند شي حد باش يقرا تما حيت الحفرة فاش ساكنين مافيهاش مدارس ، و فالتالي هو وختوو ماداخلينش للمدرسة ..محمد ماكدبش علينا ، محمد كااايحلم و عايش الحلم فالخيال ديالو ، هنا فقط كاتكتاشف ان ابسط الحقوق كاتولي احلام عند بعض الناس ...
نتمناو ان الاب ديال محمد مايخلفش بالوعد ديالو و محمد هو نموذج ل بزاف د محمدااات اخرين فالمناطق المنسية...
0 التعليقات:
إرسال تعليق