الدراسة ماشي هي كلشي فالحياة ، خاص الانسان مرة مرة يخرج على ضومين ديالو و يكتاشف عوالم اخرين ، و على سبيل المثال كلوب ايناكتس لي كانتامي ليه فكلية العلوم كانديرو مجموعة من النشاطات و كانخدمو على بروجياااات و اخر واحد خدامين عليه ، كان كايفرض عليناا نكونو كانفهمو شويا ف البياسات و المسامر و جعابي وكيما كاتعرفو حنا دريات بعاد كل البعد على هاد ضومين ولكن اضطرينا ندخلو ليه صحة ، مشينا لافيراي و بقششنا فالقطع و شرينا شي حاجا لي بغيناها و تعلمنا كيفاش نتاواو مع صحاب لافيراي خصوصا و انهم كايشوفونا غي طلبة وكايبغيو يلصقو لينا بياسات د 10 دراهم ب 50 درهم ولكن طبعا كنا على بال ، تمرمدنا فالغيس و تشمشنا مزيان ولكن كتسبنا بزاف ديال المعارف جداد و صراحة عجبني داكشي وفكرت للحظة نقلبها تاميكانيسيانيت واخا اصلا انا طالبة فيزياء و كانقراو المحركات وداكشي ولكن ماكانديروش البراتيك حدنا الحساب والمعادلات والتخيلات ، ومن غير هادشي ف ايناكتس كتاسبت القدرة على التواصل مع الناس فالشراع واخا ماكانعرفهومش وهادشي من خلال مجموعة من الانشطة و الخرجات الميدانية كما انه ولات عندي دراية بعالم الاقتصاد مع اني ماكانقراهش وفالتالي خاص اي طالب ينخارط فبحال هاد النوادي و بحال هاد الانشطة لي كايخليوك تعرف على ناس جداد و تكتاسب معارف جديدة و ماتكونش منغالق على راسك و تنحاصر على الدراسة فقط و خصصووصا ايلا هاد الاعمال غاتنفع شي حد اخر و تحسن من الوضعية المعيشية ديالووو و هذا هو البرانسيب ديالنا ف ايناكتس ، كونواااا نشطاء في مجتمعكم..
0 التعليقات:
إرسال تعليق