الجنازة والعرس

 باش تسيفط انسان للقبر و تعجل فالموت ديالو في سبيل انك تحضر للعرس حاجة جد طبيعية و عادية ملي كايكونو عندك صحابك مسطيين بحالي، المهم القصة و مافيها واحد نهار قبل خمس سنوات تقريبا ، كنت كانقرا ف سانكيام جذع مشترك علمي ، كانو عندي 2 عشيراتي ديما جايين غاديين و من الموجتهدييين د القيسم باش مايقولكم شي كذاب راه الموجتهدييين ماكايديروش الفعايل ، كنا نعاماس عندنا حصة الفلسفة يوم السبت ، و كان واحد البروف مصبيييطري و واخا هكاك بيييس كانشدو معاه الستون في اطار الدروس وكدا ، واحد النهار صاحبتي قالت لي بلي عندهم عرس و هيا كاتمووووت على العراسات و مستحيل تزكل شي عرس واخا يخرج ليها عزرائيل شخصيا ، ولكن الاشكال نهار لي بغات تغيب فيه كان عندنا فرض كتابي و فالتالي كان خاصنا نفكرو ف شي خطة باش ماتحضرش لداك الامتحان و يتأجل ليها و هيا طيح عليها فكرة ، قالت ليك اودي فالحصة لي قبل من حصة الفرض ندخلو انا و صاحبتي فاتي و نديرو واحد التمثيلة على لبروف و نزربو عليه ، مهم ختكم عندها مع البلانات الحمقيين وافقت و دازت التمثيلية كالتالي ...
 دخلناا للقسم بوجه شاحب ، البروف حل ملف الغياب و كايقيد الحضور ، غير وصل ل الاسم د جيهان و وقف و حيت عارفنا صحاباتها و سولناااا علاش ماجاتش و حيت هيا نورمالمون ماكاتغيبش ( موجتهدين ) هههه ، و انا نشوف فيه ، و قلت بصوت كله تأثر( استاذ ..جيهان مسكيينا ... ) ( جيهان توفا ليها الجد ديالها لي كان مربيها ) ، و هو يجاوب و حسيت بيه مسكين تأثر ديال بصاح ، و قال ( الله اكباااااااار ، مسكيييينا كيف بقات شويا ) و جاوباتو صاحبتي ( وا غي كاتسلك راه مازال تحت الصدمة مع داك جدها هو معامن عاشت بزاف و راه كثر من باها) و انا فهاد اللحظات راه حابسا الضحكا غي بزاز و هو يقول الاستاذ (عافاكم قولو ليها البركة فراسك ) عينيه غرغرقو قسيييم بالله و كون نشوفو وجه الاستاذ حتا يأنبكم ضميركم مدى الحياة هههههه حيت فعلا السيد حط راسو بلاصتها و عاش الموقف ، و لكن الواعرا هيا ملي ناض و وقف و قال للقسم كامل وقفوو و شد تيليفون ديالو و خدم لكرونوو و قالينا غادي نديرو دقيقة صمت ترحما على المرحوم ، اش غادي نقولكم راه مابقا ليا والو و نتفجر بالضحك خصوصا ملي وقفو التلاميذ كلهم مدة دقيقة و انا و صاحبتي مهبطيين ريوسنا للارض غي باش نتفاداو لكونطاكت ديال العنين مع شي حد ، ولكن غير سالات دقيقة صمت و قالهم يالاه نقراو عليه و بداو الفاتحة و تبعو ليها الدعاء ، طلعت راسي كايبان ليا كلشي مخشع وهاز يديه للسماا و انا ندير كرااااااااخ بالضحك و عندي واحد الزهر خطير هو كنت لابسا كاشكول طويل و مخبيا بيه فمي و دارو عندي دوك لي قدامي و انا نحول صوت الضحك ل البكاء و درت راسي بلعاني كانبكي و كانتنهد هههههههه و انا نقول لفاتي ( مسكين جدها غي السيمانا لي فاتت قالنا دخلو تشربو القهوة ) ههههههههه و هياااا حدرات راسها على الطاولة و كاتضحك بالحس ، و البروف جا عندي قالي صافي ا بنتي راه الاقدار ، و انا معا راسي كانقول ليه ( بليز شااااااات_اب ) راه يزيد كلمة وحدا غادي تشدني هيستيريا الضحك ، المهم تمالكت راسي ديك الحصة و فلافان عيط لينا لبروف و قالنا صافي بلا ماتجي صاحبتكم سيمانا جايا تدوز الفرض غادي نحسب ليها نقطة الفرض الثاني ..غي خليوها ترتاح مسكينا ، و معا هيا كانت جايبا شي 16 ف الفرض الثاني و حطها ليها ، بنت الحرام مشات عرساااات و نشطااااات و من لفووق ضربات النقطة على ظهرنا و حنا مثلناااا و زعتنااا و دينا ذنوب داك الاستاذ ليوم يبعثون و دنوب دوك التلاميذ و فالاخر راه مشينا كانوجدو لليكزااام و حتا الحلوى د العرس مادقناها
ههههههه ( ب.س : هاد البلان اول مرة نعاودو فالفايسبوك و راه خدام تقدرو تستعملوه ايلا باغييين تغيبو شي اكزام )