مسيرة الحوب

في اطار الحوب و داكشي كااينا واحد المسيرة سميتها " مسيرة الحوب " لي كايتجمعو فيها كاع العشاق و الاحبة باش ينشطووو و يتبادلو القبل و يضربو الطاسة و يغنييو و يشطحوو و اهم شيء يضربو العالم ب ركلة و يعيشو اللحظة ... تنظمات هاد المسيرة اول مرة ف 1989 ب ألمانيا و بالضبط مدينة برلين و وكايرجع اصل هاد التظاهرة ل يامات الازمة السيااسية فألمانيااا ملي كانت مقسمة ل المانيا الشرقية و المانيا الغربية و كانو حرووب و نزاعات كبييرة و فالتالي خرجات واحد المجمووعة ديال الناس و دارو مسيرة ماشي باش يتضاهرووو ولا يغووتو بالعكس جابوو طوموبيلاتهم و طلقوو المواسق من السيارات ديالهم و كايرددو جملة واحدة " نعم للحب , لا للحرب " و هادشي طراا من فترة قصيرة قبل سقووط جدار برلين و اعلان وحدة ألمانيااا , و من تمااا وللات هاد المسيرة اكبر حدث ف اوروبا من حيث عدد الزوار لي كايحضروو ليه من جميع الدول باش يستمتعوو ب موسيقى الالكترو و الاجواء الرااائعة ديال هاد المهرجان غير المشكل لي كان كايوقع هو الازدحااااااام الكبير ف المدينة لي كايخلي مجموعة من الطرقات تسد و من اهم المشاكل لي واجهاتها مسيرة الحب كذلك هو النفاايات لي كايخليو تما دوك الناس لي كايديروو فقرات استعراضية و هادشي لي خلا البلدية تسحب الترخيص من منظمي الحفلة ... و في سنة 1999 تعداااا الحضور المليون و النصف و فالتالي خمس مدن اخرى من منطقة الرور قررو احتضان هاد المسيرة لمدة خمس سنوات ولكن بزاف د الناس ماعجبهووومش الحال حيت كايقولوو بلي برلين هي لي عطات داك الرونق الرائع للمسييرة وزعما هي الاصل و الباقي تقليد.
اسوء شيء طراا فالتاريخ ديال " لوف_باراد " هي الحادثة لي وقعات سنة 2010 بسبب التداافع ديال النااااس و مات فيها 21 شخص وهنا فاش عرف تقريبا هاد الفيستفال التوقف للاسف ... و من موراها بانوو بزاااف د الحفلات ف العالم لي عندهم نفس الكوونصيبت و نفس المبدأ لي هو نشر الحب و السلام في العالم .
#خربشات_مريم_بنعلي