ف الوقت لي نتا ناعس ومرتاح بزاف د العلماء مهبليين ريوسهم باش يحلوو لينا مشاكيل بيئية لي كاتشكل خطر على البشر و من بين اهم المشاكيل هو الكربون و لي كانعرفو كاملين بلي عندو اثار خطيرة على الطبيعة و شحال هادي كانوا المختصيين كايديرو طريقة سميتها" احتجاز الكربون" من الغلاف الجوي و المنشئات الصناعية يعني كانو كايحببسوه باش مايتسرب فين و مايأثرش على البيئة سلبا ولكن هاد الطريقة ماوااكلاااااش حيت التكاليف ديالها غالية وهاهوما كاع حتاجزوه, فييين غادي يديروه ؟ و فالتالي العلم لقا طريقة اخرى اكثر فعالية و كاتسما تحجير الكربون بحيث كايقوموا بتجميع الانبعاثات الكربونية لي تضخات إلى باطن الأرض و كايغيرو محتواها الكيميائي وكايتحول ل صخور وقام العلماء ف واحد المحطة ديال الطاقة الحرارية الارضية بواحد التجربة زوينة باش يتهناو من الكربون , مشااو اسيدي و خلطو ثنائي أكسيد الكربون و وكبريتيد الهيدروجين المنبعثان من نفس المحطة مع الماء و حقنو هاد السائل ف أسفل أساسات المنشأة و مع المدة بدا كايتسرب داك الكربون على شكل اقرااص طباشرية صلبة و هاد العملية كاتطلب فقط بضع شهور و العلماء دارو الأبحاث ديالهم باش يتأكدوو من ان الأحجار الكربونية ماكاتشكل حتا خطر على البيئة وفعلا مالقاو حتا مشكيل
وهادشي كامل كايضمن لينا عدم التسرب ديال الكربون لباطن الارض و فالتالي هاد القضية صديقة للبيئة و كيما قلت سابقا تحجير الكربون كايتطلب البازلت لي كايتعتابر مخزن جيد للكروبن و راه موجووود ف الطبيعة وبوفرة دونك ماكاين حتا مشكل كايعرقل هاد العملية .. و بزاف د الباحثيين طورو هاد التحجير و ولاو كايستخدمو دوك الإقراص الكربونية كوقود للسيارات و كاين لي استغلوا فالزراعة ولكن لموشكيل هوا ان الطريقة كاتحتاج لبزاااف د الماء و حنا محتاجين ليه ..دونك كايبقا ليهوم خيار واحد لي هو مياء البحار و منها نيت يحلو مشكل اخرعالق فالطبيعة , المهم الباحثيين مازال خداامين و نهار على نهار كايكتاشفوو شي حاجة جديدة لي كاتسهل لينا الحياة وكلمة الشكر غادي تكون قليلة ف حقهم و من جيهتنا خاص نغيروا السلوكيات ديالنا و نوليو اصدقاء مع البيئة .
وهادشي كامل كايضمن لينا عدم التسرب ديال الكربون لباطن الارض و فالتالي هاد القضية صديقة للبيئة و كيما قلت سابقا تحجير الكربون كايتطلب البازلت لي كايتعتابر مخزن جيد للكروبن و راه موجووود ف الطبيعة وبوفرة دونك ماكاين حتا مشكل كايعرقل هاد العملية .. و بزاف د الباحثيين طورو هاد التحجير و ولاو كايستخدمو دوك الإقراص الكربونية كوقود للسيارات و كاين لي استغلوا فالزراعة ولكن لموشكيل هوا ان الطريقة كاتحتاج لبزاااف د الماء و حنا محتاجين ليه ..دونك كايبقا ليهوم خيار واحد لي هو مياء البحار و منها نيت يحلو مشكل اخرعالق فالطبيعة , المهم الباحثيين مازال خداامين و نهار على نهار كايكتاشفوو شي حاجة جديدة لي كاتسهل لينا الحياة وكلمة الشكر غادي تكون قليلة ف حقهم و من جيهتنا خاص نغيروا السلوكيات ديالنا و نوليو اصدقاء مع البيئة .
0 التعليقات:
إرسال تعليق