لموووت أ لخوت شفناها بعينينا فالرحلة د ليوم ..اجي نعاود ليكم اش طرا و حاولو تقراو حتال الاخر حيت عندي مانوصل ليكم .
صباح شدينا الطريق بغينا نمشيو لواحد الدوار ، ولكن ماكناش عارفين اش كايتسنانا ، ملي وصلنا لواحد المنطقة مستوية فرحنا سحابلنا تما فين عندنا لبلان و اذا بناااا كايخصنا نزلو مع واحد الجبل ، الاول كايبان ليك عادي ، غي كاضرب ربع ساعة د الطريق و تما كاتبدا الحفلة ، واش فراسكم الخوت تمشينا ف حافة القد ديالها 15سنتمتر ولا قل و ايلا تعكلتي غي بشويا صافي الله يرحمك غادي طيح لداك لتتحت ماغاتوصل حتا تشتت كاملك ، راه نازلين وكاتقولينا صاحبتي شهدوااا شهدوااا هادي هيا االاخيرة لينا ، انا بقات فيا غي الوالدة مسكينا لي تضل و توصي فيا ، واش فراسكم نزلنا بزاوية 90 درجة فبعض البلايص يعني كاتنزل حجرة حجرة عموديا و داك الحجر كايتزعزع واش كاتعرفو شنو هيا 90 درجة ولا لا ؟ و كايخصك تشد ف فالحجر لي فالحيط بيديك و رجليك لاتزلق حيت ايلا زلقتي الله يرحمك ، رجلي كلاو دق ، يديا حفااو و تجرحو حيت كانشد فاالحجر لي فالحيط باش مانزلق ، عرفتي غي داك المنظر ملي كاتشوف راسك من لعلوو و الطريق مناش دزتي لور ولا مناش غادي تدوز كافي باش يفشل ليك رجليك و تشدك دوخة بلا داك الاكسجين لي ناقص ، و فطوطال 4 سوااااايع ديال المشي و بالاحرى تسلق الجبال باش توصل للتحت واش سمعتو الرقم مزيان 4 سوايع بالحساب ونتا فالخاطار، وقفنا شحال من مرة ، انا ضاق عليا الاكسجيين و رجلي مابقيتش قادا نحركها لدرجة دراري اضطروا يهزوني شحال من مرة و كانقولهم غي حطوني حيت فديك الطريق راه خاطار تهز شي حد تصدق مكركب نتا وياه ، و كاتبقا غي كاطلع و تنزل دائريا ف طريق جد ضيقة ، راه واخا نعيا مانوصف فديك الطريق ماغانقدش نقرب ليكم الصورة ، ولي مفرج ف الفيلم د لوست غادي يفهمني ، ديك اللحظة ملي كاتوصل فيك للعظم و ماعندك حتا شي حل من غير انك تمشاااا و لكن واش عرفتو علاش هادشي كامل ، باش نوصلو لدوار لي فيه بضع نساء و اطفال ، عندهم دجااااجة و حدا و ماعندهمش القطيع ، و البكياااا ا لخوت و الله حتا البكيا ، الناس ماعندهم والو ، الناس منقاطعين على العالم الخارجي ، الناس لي ايلا بغاو يشريو ابسط المسائل خاص يضربو داك الجبل كاااامل باش يوصلو لفوق ( 4 سوايع ) ، دراري صغار لي ماكايقراوش و حيت واليديهم خايفين عليهم يطلعو فديك الطريق ، و الرجال اغلبهم خدام بررا ديال تما و كايصيفطو مرة مرة لدوك النساء شويا د الفلوس هادشي ايلا مانساوهم حيت من هضرتهم الامازيغية كاتحس بداك الجرح ، بقيت كانقول مع راسي تفووو ، و تفووو على هاد الوضع الناس ماعايشينش الحياة اصلا ،لاش هاد الظلم لاش !! ملي قلت ليهم علاش ماترحلوش من هنا و طلعو لفوق ، قالت ليك ماعندناش باش نشريو ديور تما و بقينا هنا غي لبوفريا و ولادنا لي مشاو المدينة مرة مرة كايتفكرونا فالاعياد ...شوف الناس المشاكل لي عندهم اصاحبي ، ايلا بغا يجيب خبزة خاصو يطلع ف جبل مدة اربع ساعات و يغامر بحياتو تماااا ، عاد الا غاينزل الدقيق او لبوطا و داكشي لي تقيل و الله حتا تكرفيص ديال بصااح لي كايضربو دوك الناس ، الحاصول مشينااا و واعدناهم بلي غادي نرجعو عندهم و بحال والو ندير شي بلان جماعي حيت فعلا دوك الناس كايعانيو و خاصنا نعاونوهم ، ودعوونا و هوما لابسات داك الازار الابيض و الابتسامة المحتشمة على وجوهم ، مسكينا واحد المراة مسنة شافتني عييت شدات ليا ف يدي و بقات غادا معايا حتا دزنا شي بلايص خاطار ! و شدينا الطريق و كنا خايفين غي لايضلام علينا الحال تماااا و نصدقو فشي فيلم د الرعب خصوصا و ان ريزو ماكاينش و واليدينا كايتاصلو بينا، و ماعرفتش كيفاش حتا انا ضربت ديك الطريق واحد اللحظا القلب ديال بغا يخرج من بلاصتو و رجليا كايترعدو وصافي فقدت القدرة على لمشي ولكن صبرناااااااا حتا طلعنااااا و وصلنا لفوق نيشان مع الظلماااا ، و كانت من اصعب التجارب لي دوزت فحياتي بدون مبالغة و للاشارة هاد البلاصة بعيدة على اكادير ب 200 كلمتر ، و ايلا كان شي بلان اخر لتما غادي نعلمكم و علا سلاااامتنا ملي ماوقع لينا والو فالطريق .
ب.س : هاد الصور من البلايص لي نسبيا مالقيناش فيهم مشكل كبير و قدرنا نهزو التلفون و نصورو .
#خربشات_مريم_بنعلي
#لمغرب_لي_واكل_الدق
صباح شدينا الطريق بغينا نمشيو لواحد الدوار ، ولكن ماكناش عارفين اش كايتسنانا ، ملي وصلنا لواحد المنطقة مستوية فرحنا سحابلنا تما فين عندنا لبلان و اذا بناااا كايخصنا نزلو مع واحد الجبل ، الاول كايبان ليك عادي ، غي كاضرب ربع ساعة د الطريق و تما كاتبدا الحفلة ، واش فراسكم الخوت تمشينا ف حافة القد ديالها 15سنتمتر ولا قل و ايلا تعكلتي غي بشويا صافي الله يرحمك غادي طيح لداك لتتحت ماغاتوصل حتا تشتت كاملك ، راه نازلين وكاتقولينا صاحبتي شهدوااا شهدوااا هادي هيا االاخيرة لينا ، انا بقات فيا غي الوالدة مسكينا لي تضل و توصي فيا ، واش فراسكم نزلنا بزاوية 90 درجة فبعض البلايص يعني كاتنزل حجرة حجرة عموديا و داك الحجر كايتزعزع واش كاتعرفو شنو هيا 90 درجة ولا لا ؟ و كايخصك تشد ف فالحجر لي فالحيط بيديك و رجليك لاتزلق حيت ايلا زلقتي الله يرحمك ، رجلي كلاو دق ، يديا حفااو و تجرحو حيت كانشد فاالحجر لي فالحيط باش مانزلق ، عرفتي غي داك المنظر ملي كاتشوف راسك من لعلوو و الطريق مناش دزتي لور ولا مناش غادي تدوز كافي باش يفشل ليك رجليك و تشدك دوخة بلا داك الاكسجين لي ناقص ، و فطوطال 4 سوااااايع ديال المشي و بالاحرى تسلق الجبال باش توصل للتحت واش سمعتو الرقم مزيان 4 سوايع بالحساب ونتا فالخاطار، وقفنا شحال من مرة ، انا ضاق عليا الاكسجيين و رجلي مابقيتش قادا نحركها لدرجة دراري اضطروا يهزوني شحال من مرة و كانقولهم غي حطوني حيت فديك الطريق راه خاطار تهز شي حد تصدق مكركب نتا وياه ، و كاتبقا غي كاطلع و تنزل دائريا ف طريق جد ضيقة ، راه واخا نعيا مانوصف فديك الطريق ماغانقدش نقرب ليكم الصورة ، ولي مفرج ف الفيلم د لوست غادي يفهمني ، ديك اللحظة ملي كاتوصل فيك للعظم و ماعندك حتا شي حل من غير انك تمشاااا و لكن واش عرفتو علاش هادشي كامل ، باش نوصلو لدوار لي فيه بضع نساء و اطفال ، عندهم دجااااجة و حدا و ماعندهمش القطيع ، و البكياااا ا لخوت و الله حتا البكيا ، الناس ماعندهم والو ، الناس منقاطعين على العالم الخارجي ، الناس لي ايلا بغاو يشريو ابسط المسائل خاص يضربو داك الجبل كاااامل باش يوصلو لفوق ( 4 سوايع ) ، دراري صغار لي ماكايقراوش و حيت واليديهم خايفين عليهم يطلعو فديك الطريق ، و الرجال اغلبهم خدام بررا ديال تما و كايصيفطو مرة مرة لدوك النساء شويا د الفلوس هادشي ايلا مانساوهم حيت من هضرتهم الامازيغية كاتحس بداك الجرح ، بقيت كانقول مع راسي تفووو ، و تفووو على هاد الوضع الناس ماعايشينش الحياة اصلا ،لاش هاد الظلم لاش !! ملي قلت ليهم علاش ماترحلوش من هنا و طلعو لفوق ، قالت ليك ماعندناش باش نشريو ديور تما و بقينا هنا غي لبوفريا و ولادنا لي مشاو المدينة مرة مرة كايتفكرونا فالاعياد ...شوف الناس المشاكل لي عندهم اصاحبي ، ايلا بغا يجيب خبزة خاصو يطلع ف جبل مدة اربع ساعات و يغامر بحياتو تماااا ، عاد الا غاينزل الدقيق او لبوطا و داكشي لي تقيل و الله حتا تكرفيص ديال بصااح لي كايضربو دوك الناس ، الحاصول مشينااا و واعدناهم بلي غادي نرجعو عندهم و بحال والو ندير شي بلان جماعي حيت فعلا دوك الناس كايعانيو و خاصنا نعاونوهم ، ودعوونا و هوما لابسات داك الازار الابيض و الابتسامة المحتشمة على وجوهم ، مسكينا واحد المراة مسنة شافتني عييت شدات ليا ف يدي و بقات غادا معايا حتا دزنا شي بلايص خاطار ! و شدينا الطريق و كنا خايفين غي لايضلام علينا الحال تماااا و نصدقو فشي فيلم د الرعب خصوصا و ان ريزو ماكاينش و واليدينا كايتاصلو بينا، و ماعرفتش كيفاش حتا انا ضربت ديك الطريق واحد اللحظا القلب ديال بغا يخرج من بلاصتو و رجليا كايترعدو وصافي فقدت القدرة على لمشي ولكن صبرناااااااا حتا طلعنااااا و وصلنا لفوق نيشان مع الظلماااا ، و كانت من اصعب التجارب لي دوزت فحياتي بدون مبالغة و للاشارة هاد البلاصة بعيدة على اكادير ب 200 كلمتر ، و ايلا كان شي بلان اخر لتما غادي نعلمكم و علا سلاااامتنا ملي ماوقع لينا والو فالطريق .
ب.س : هاد الصور من البلايص لي نسبيا مالقيناش فيهم مشكل كبير و قدرنا نهزو التلفون و نصورو .
#خربشات_مريم_بنعلي
#لمغرب_لي_واكل_الدق
0 التعليقات:
إرسال تعليق