الماكاينات الألمانية

ايلا دخلتي ل كووكل يا صديقي و كتبتي " الماكينات " ف الاختيار الاول لي غادي يخرج ليك ف محرك البحث ماشيي ماكينة د صابون وماشي ماكينة د الحلاقة او ماكينة المواعن و انمااا لي غادي يطلعو ليك هم " الماكينات الالمانية " و ما ادراك ما الماكينات الالمانية , هادا هو اللقب لي تشهر بيه المنتخب الالماااني ف العالم و يعرفون كذلك ب لقب " المانشافت " لي هي المرادف ديال كلمة الفريق . هاد الفرقة واعرة بزاف و كاتعتابر من اقوى الفرق في العالم نظرا لعدد الانجازات لي حققو و الارقام القياسية لي ضربو , باختصار ايلا جيتي قدامهم يطحنوك يطحنوك . و علاش بالضبط اختاريت المنتخب الالماني نهضر عليه ف لانه اكثر فرقة شرشمات الفرق ف بطولة امم اوروبا او مايسمى ب اليورو حيت ربحات ثلاث مرات الكأس و تأهلات للنصف النهائي ثلاث مرات و كانت الوصيف ثلاث مرات, وداكشي علاش غادي ندوييو شويا على التاريخ ديالها فهاد التظاهرة الكروية .

غادي نرجعوو شوياا اللور و بالضبط لعام 1972 , المانيا بقيادة المدرب هيلموت شون شاركات ف اليورو لي تنظم ف بلجيكا و كانت كاتسما ديك ساع ألمانيا الغربية , و طاحت مع المنتخب البلجيكي و غلباتو ب 2 ل واحد و من بعد تأهلت للنهائي لي تلعب ف ملعب ' هيسل ' بمدينة بروكسيل و طحنااات الاتحاد السفياتي و مرمداتو ف الارض بنتيجة 3 مقاابل لا شيء .. و فالتالي توجت ألمانيا بطل كأس الأمم الأوروبية و لاول مرة و من موراها ف سنة 1980 تدار اليورو في ايطاليا و كما العادة ألمانيا كانت حاضرة و بقوة و لعبات مع تشيكوسلوفاكيا و ربحات عليها ب هدف مقابل لا شيء ومن بعد لعبات مع هولندا و هزمتها شر هزيمة كذلك ب ثلاث اهداف مقابل هدفين , و من موراها لعبات مع اليونان وكان هناك تعادل سلبي , ولكن مع ذلك المانيا تأهلات لفينال وتلاقات مع الصديق القديم لي هوا بلجيكا و ربحات عليها بهدفين مقابل هدف و مجددا المانيا تتوج بطلا ل يورو 80 بقيادة المدرب يوب ديرفال ...ألمانيا ماوقفاتش هنااا و شاركت مجددا ب يورو 1996 لي تدار ف انجلترا وكانت أول بطولة أوروبية يلعب فيها 16 فريق، لعبات المانيا بقيادة المدرب بيرتي فوغتس في ملعب أولد ترافورد مع التشيك و ماركات هدفين مقابل اسفنجة ل فريق التشيك , و من موراها عاودات لعبات مع روسيا من بعد ماتفرتك الاتحاد السوفياتي و عطاتها مجددا ثلاث اهداف نظيفة , و السيناريو يتكرر مجددا ف المباراة الاخيرة تعادلات مع ايطاليا ب صفر لمثله و من موراها دازت للدور الربع النهائي و ماركات هدفين مقابل هدف عند كرواتيا ومرت للنصف النهائي وتعادلات مع البلد المضيف لي هيا انجلتراا و من مورا هاد تامارا كلها دازت لفيناال و خداتوو كما العادة بعد ماهزمات التشيك بهدفين مقابل هدف واحد بملعب ويمبلي , وكانت هادي سلسلة الانتصااارات الساحقة لي فركعات بيهم المانيا بطولة امم اوروبا لكرة القدم و بالنسبة للسنوات لي كانت فيهم وصيف " : 1976، 1992، 2008 " و اما السنوات لي تأهلات فيهم لنصف النهائي 1988 و 2012 و اخير يورو 2016 لي عطات العصير ل سلوفاكيا و ايطاليا لكن تغربلات مع فرنسا لي خلات ليها سفنج وهزمتها هزيمة غير متوقعة و هادي هيا كرة القدم كولشي مومكين ولكن التاريخ ديال المانيا ساابقهااااا و اي واحد كايفهم ف كرة القدم غادي يرفع القبعة للمنتخب الالماني ب المدربين لي دازو عبر التاريخ وكذلك لاعبي كرة القدم و اي واحد كايحرس على التألق ديال هاد الماكينات البشرية . .

#خربشات_مريم_بنعلي