فهاد اللحظة فاش كاتقرا ا صديقي هاد سطاتي , يمكن شي كون من الاكوان كايتزاد ف مكان ماا و ماتجي فين تسالي سطاتي حتا يكونو تولدوو الاااف الاكوااان , نعم صدق او لا تصدق هادشي لي كايقولو العلماء لي متبنيين نظرية الاكوان المتعددة و باش نفهمو كثر هاد ستون تبعو معايا ..
كيما كاتعرفو المجرة ديالنا هيا وحدا من مئاات البلايين من المجرات لي كاينيين فهاد الكون كامل و هادي حقيقة علمية و لكن الاكوان المتعددة كاين لي كايشوف انها حقيقية و كاين لي كاتبان ليه طريق مسدودة للفيزياء ,ولكن كاين واحد البروفيسور سميتو " الان كوث " هو الوحيد لي ساهمات الابحاث ديالوو باش يتوضعو اسس لهاد النظرية و لقا بالحسابات ديالو الرياضية ان الجاذبية تقدر تخدم ب المقلووب " الجاذبية المستهجنة " و بدل ماتجبد الاشياء الاشياء كانبقا تدفعهم ف الفضاء و كاتخلق واحد التوسع كبيير , وهاد الجاذبية عندها قوة هائلة بحيث كاتعتبر قطعة من الفضاء بحاال القد ديال الذرة وفالتالي تقدر تنفخ فيها و توسعها و تخليها تولي قد مجرة التبانة ف واحد المدة سريييعة و خيالية و هنا صديقناا " كوث " سلط الضوء على نظرية الانفجار العظيم بلا مايعييق , و بهاد النظرية ديالو " التضخم " فسر لينا شنو لي خلا الكون يتوسع ف البدايات ديالو ,وفالتالي ايلا كانت هاد الهضرا صحيحة خاص الدليل نلقاوه ف السماء , خاصنا نلقاو البقايا ديال الطاقة لي نتجات عن هذه العملية على شكل وهج في كل مكان ف الكون و فعلا ملي تطورات التيكنولوجيا صافطات ناسا بعثة للفضاء و بلا ماندخل معاكم ف التفاصيل لقاو البصماات ديال التوسع ديال الكون في الفضاء و داكشي مطابق تماما لتوقعات التضخم .
و من موراها جاو 2 فيزيائيان و بقششو شويا فهادشي لي خلا" الان "و لقاو بللي الكون ديالنا يقدر مايكونش هو الكون الوحيد فهاد الدعوة كاملا , وواحد منهم كان ديجا حضر للمحاضرات ديال "الان كوث" ف داك الصدد و بقات ديك الهضرا معششة ليه ف الدماغ و بقا كايفكر بزاااااااف فهاد ستون و بدا كايطرح تساءلات " كيفاش بقعة من الفضاء كاتنتج عن طريق التضخم و اش غادي يطرا ملي غادي يوقف هاد التضخم " و فالاخر افترض ان نهاية التضخم ماكايوقفش ف نفس المكان وف نفس الوقت يعني ديما غادي يكون جزء من الفضاء كايوقع فيه التضخم . مثلا ايلا اعتبرنا الكون هو المغرب ف ايلا سالا التضخم ف كازا . غادي يكون تضخم اخر باقي خدام ف اكادير و ايلا سالا ف اكادير غادي يكون ياقي كاين ف مراكش الخ و قال كذلك ان قبل الانفجار العظيم و قعوو انفجارات و مازالين كايوقعو و كايولدو لينا اكوان متعددة متسعة جديدة كل الوقت و الفكرة كاتسما حاليا بالتضخم الابدي و باش نشرحها ليكم اكثرر
تصور معايا عندنا واحد القطعة مستديرة ديال الفرماج الحمر ههه, وهو الكون و هاد القطعة فيها قدر هائل من الطاقة و كل مرة كاتوساع و كاتولد لينا شرارة كهرباء ساكنة في كل نقطة من الفرماجة ف الاثناء لي كاتفجر كاتحول لينا ديك الطاقة بشكل عشوائي الى مادة مكونة من جزيئات , هاد العملية هي الولادة ديال كون جديد ., دونك الفرماجه ديالنا نهار الاول كانت فيها ثقبة وحدا لي هي كون و من موراها ف بلاصة اخرى كاتكرر نفس العملية مع تزايد مستمر في حجم الفرماجة الا المالانهاية والصورة اسفله لي جبتها من واحد الوثائقي غادي يبان ليكم البلان د الفرماجة و الاسهم تشير الى ان الفرماجة باقي كاتوسع .. صديقنا الفيزيائي ملي طرح هاد الفكرة ماتسوق ليه حد و" الان كوث" براسو ماداهاش ف هضرتووو حيت كايستدل غي ب الماط ماكايناش شي حاجة واقعية و فالتالي رجع لدارو كاعي و تكمش ولكن الزميل ديالو لي كان خدام معاه ماتراجعش وعرف بلي كاين شي قالب تما و بداا كاينشر ف البحوث ديالو و مع ذلك ماتسوق ليه حد حتال واحد نهار و بقدرة قادر هاد الهضرا كاملا لي قالو هاد الفيزيائيان غادي تحصل على دعم من مكان غير متوقع , انها نظرية الاوتار يا سادة , كيفاش هاد النظرية ساهمات ف تعزيز هاد البلان د الاكوان المتعددة و شنو طرا من بعد ,هادشي غادي نشوفوه ف المقال الموالي .
يتبع
Meriem Benali
#خربشات_مريم_بنعلي
كيما كاتعرفو المجرة ديالنا هيا وحدا من مئاات البلايين من المجرات لي كاينيين فهاد الكون كامل و هادي حقيقة علمية و لكن الاكوان المتعددة كاين لي كايشوف انها حقيقية و كاين لي كاتبان ليه طريق مسدودة للفيزياء ,ولكن كاين واحد البروفيسور سميتو " الان كوث " هو الوحيد لي ساهمات الابحاث ديالوو باش يتوضعو اسس لهاد النظرية و لقا بالحسابات ديالو الرياضية ان الجاذبية تقدر تخدم ب المقلووب " الجاذبية المستهجنة " و بدل ماتجبد الاشياء الاشياء كانبقا تدفعهم ف الفضاء و كاتخلق واحد التوسع كبيير , وهاد الجاذبية عندها قوة هائلة بحيث كاتعتبر قطعة من الفضاء بحاال القد ديال الذرة وفالتالي تقدر تنفخ فيها و توسعها و تخليها تولي قد مجرة التبانة ف واحد المدة سريييعة و خيالية و هنا صديقناا " كوث " سلط الضوء على نظرية الانفجار العظيم بلا مايعييق , و بهاد النظرية ديالو " التضخم " فسر لينا شنو لي خلا الكون يتوسع ف البدايات ديالو ,وفالتالي ايلا كانت هاد الهضرا صحيحة خاص الدليل نلقاوه ف السماء , خاصنا نلقاو البقايا ديال الطاقة لي نتجات عن هذه العملية على شكل وهج في كل مكان ف الكون و فعلا ملي تطورات التيكنولوجيا صافطات ناسا بعثة للفضاء و بلا ماندخل معاكم ف التفاصيل لقاو البصماات ديال التوسع ديال الكون في الفضاء و داكشي مطابق تماما لتوقعات التضخم .
و من موراها جاو 2 فيزيائيان و بقششو شويا فهادشي لي خلا" الان "و لقاو بللي الكون ديالنا يقدر مايكونش هو الكون الوحيد فهاد الدعوة كاملا , وواحد منهم كان ديجا حضر للمحاضرات ديال "الان كوث" ف داك الصدد و بقات ديك الهضرا معششة ليه ف الدماغ و بقا كايفكر بزاااااااف فهاد ستون و بدا كايطرح تساءلات " كيفاش بقعة من الفضاء كاتنتج عن طريق التضخم و اش غادي يطرا ملي غادي يوقف هاد التضخم " و فالاخر افترض ان نهاية التضخم ماكايوقفش ف نفس المكان وف نفس الوقت يعني ديما غادي يكون جزء من الفضاء كايوقع فيه التضخم . مثلا ايلا اعتبرنا الكون هو المغرب ف ايلا سالا التضخم ف كازا . غادي يكون تضخم اخر باقي خدام ف اكادير و ايلا سالا ف اكادير غادي يكون ياقي كاين ف مراكش الخ و قال كذلك ان قبل الانفجار العظيم و قعوو انفجارات و مازالين كايوقعو و كايولدو لينا اكوان متعددة متسعة جديدة كل الوقت و الفكرة كاتسما حاليا بالتضخم الابدي و باش نشرحها ليكم اكثرر
تصور معايا عندنا واحد القطعة مستديرة ديال الفرماج الحمر ههه, وهو الكون و هاد القطعة فيها قدر هائل من الطاقة و كل مرة كاتوساع و كاتولد لينا شرارة كهرباء ساكنة في كل نقطة من الفرماجة ف الاثناء لي كاتفجر كاتحول لينا ديك الطاقة بشكل عشوائي الى مادة مكونة من جزيئات , هاد العملية هي الولادة ديال كون جديد ., دونك الفرماجه ديالنا نهار الاول كانت فيها ثقبة وحدا لي هي كون و من موراها ف بلاصة اخرى كاتكرر نفس العملية مع تزايد مستمر في حجم الفرماجة الا المالانهاية والصورة اسفله لي جبتها من واحد الوثائقي غادي يبان ليكم البلان د الفرماجة و الاسهم تشير الى ان الفرماجة باقي كاتوسع .. صديقنا الفيزيائي ملي طرح هاد الفكرة ماتسوق ليه حد و" الان كوث" براسو ماداهاش ف هضرتووو حيت كايستدل غي ب الماط ماكايناش شي حاجة واقعية و فالتالي رجع لدارو كاعي و تكمش ولكن الزميل ديالو لي كان خدام معاه ماتراجعش وعرف بلي كاين شي قالب تما و بداا كاينشر ف البحوث ديالو و مع ذلك ماتسوق ليه حد حتال واحد نهار و بقدرة قادر هاد الهضرا كاملا لي قالو هاد الفيزيائيان غادي تحصل على دعم من مكان غير متوقع , انها نظرية الاوتار يا سادة , كيفاش هاد النظرية ساهمات ف تعزيز هاد البلان د الاكوان المتعددة و شنو طرا من بعد ,هادشي غادي نشوفوه ف المقال الموالي .
يتبع
Meriem Benali
#خربشات_مريم_بنعلي
رائع طريقة مبدعة في تبسيط المفاهيم الفيزيائية من الاكوان المتعددة وصولا و تمهيدا للاوتار الفائقة. شكراا على المجهود مريم واصلي
ردحذف